علم بي عمل

در اين زمانه رفيقي که خالي از خلل است

صراحي مي ناب و سفينه غزل است

جريده رو که گذرگاه عافيت تنگ است

پياله گير که عمر عزيز بي‌بدل است

نه من ز بي عملي در جهان ملولم و بس

ملالت علما هم ز علم بي عمل است

به چشم عقل در اين رهگذار پرآشوب

جهان و کار جهان بي‌ثبات و بي‌محل است

بگير طره مه چهره‌اي و قصه مخوان

که سعد و نحس ز تاثير زهره و زحل است

دلم اميد فراوان به وصل روي تو داشت

ولي اجل به ره عمر رهزن امل است

به هيچ دور نخواهند يافت هشيارش

چنين که حافظ ما مست باده ازل است

وجوديم سر به سر تيترر

صبادان گول اوزونده سونبول زولفون اسَر تيترر

منيم صبريم تئلين خط باشي تك، ظالم كسر تيترر

گؤرنده پنجه مژگانيوي لرزان اولور كؤنلوم

بئله كيم چنگل شهبازا بير تيهو دوشر تيترر

نئجه خنجر دمينده مرغ بسمل اضطراب ائيلر

منيم كؤنلوم قوشي سندن اؤتور اوندان بتر تيترر

نگارا محفل وصل ايچره تمكين ايستَسن مندن

مگر سن بولميسن معشوقونا عاشق يئتر تيترر ؟

سني گؤرجك نولور توپراغا دوشسم، بي قرار اولسام

يئتنده شمع اياغينا ، سالار پروانه پر تيترر

اوجالسا آه سرديم، سينديرار لعل لبين پوسته

اسنده رسمدور باد سحر گولبرگ تر تيترر

تنيم اينجلدي مو تك بير سر مويونده بند اولدو

توكون ترپنسه اي جانا وجوديم سر به سر تيترر

گرك من تيتره يم، صراف تك تبدار عشق اولدوم

نئچون منبرده واعظ متصل سرسم دير تيترر !

شاد اولاق

بايرام گليب شاد اولاق

هامي مزه، داد اولاق

توفيق وئر تانري اؤزون

غيبي دن امداد اولاق

شعله ي شمعه اؤزون رسمدي پروانه ويرار

او سر زولفووه مشّاطه ، پري شانه ويرار

چوخ ستمگردي پريشاني پريشانه ويرار

گؤرورم قتليمه آماده دي جلاد گؤزون

تُرك بد مست تك، ال خنجر برّانه ويرار

حلقه زولف گره گيري ده باغلاندي كؤنول

اؤز اؤزون گؤر نئجه زنجيره بو ديوانه ويرار

لوح رخساريوي دوتموش او خطا كار خطون

قويما بيگانه الين سيب زنخدانه ويرار

آلميسان يانوه گؤردوم گئجه رؤيادا مني

اؤزوم اؤز بختيمي بوللم، بو يوخي يانه ويرار !

لبلرون فكري منه قوت دل اولسا نه عجب

طعنه ياقوت لبون لعل بدخشانه ويرار

شيخ صنعان كيمي هركيمسه سني گؤردي دئدي :

عاقبت رخنه بو ترسا بچه ايمانه ويرار

ناوك غمزون ايچر قانيمي اي قاشي كمان

چشم مستون كيمي مخموردو، پيمانه ويرار

يانارام آتش هجرانووه باك ائيلمرم

شعله ي شمعه اؤزون رسمدي پروانه ويرار

زاهدون كفرينه عشقيم وئري فتواي صريح

كافر عشقه باخون ، طعنه مسلمانه ويرار !

وار اميديم سالا صراف اله بير سرمايه

سكه عشقي ز بس نقد دل و جانه ويرار

بو بلالي روزگارين من ايله وفاسي يوخدور

فلکين غم و بلاسي مگر انتهاسي يوخدور؟

بير اوتانماز،عار بيلمز،نه دئييم حياسي يوخدور

بو سپهر دون و ناساز،ستمين ائديبدير آغاز

ائلمز حيا،اوتانماز،بيرينه وفاسي يوخدور

ائليوب مني حواله گنه محنت و ملاله

نئيليوم ؟بو هرزه بختين منه بير حماسي يوخدور

ستم و غمي توکنمز،اؤلورمده رحمه گلمز

بو زمانه نين منيم تک غمه مبتلاسي يوخدور

دوتوب اود گنه آليشما،بئله چوخدا پيس دانيشما

بو سبب:سنينله آخر فلکين آراسي يوخدور

بو سوزي دانيشماز عاقل،اولا گر بلايه قابل

سؤله هانسي شخص کامل الم و بلاسي يوخدور

مني ده بير اؤزگه ليلي ائله دي بو چؤلده رسوا

بو بلالي روزگارين من ايله وفاسي يوخدور

يوخ ائدن بيري نصيحت،ائله سين اونا مذمت

مگر اي منيم عزيزيم بو گونون صاباسي يوخدور؟

عجب آنلاماز ايميش سن،سبيلين آغاردي بيلمه ن

نه جهت بو شوخ و شنگين سنه اعتناسي يوخدور

بو ظريف و شوخ و شيدا،ائله دي خيال گويا

آتيليبدي باشدا بورکي اؤزونون لباسي يوخدور

دونو قالماييبدي بئلدن،شالي بئش قاريش غزيلدن

آياقيندا کفش صاغري الينين حناسي يوخدور

بونو بيل بو قدر پولسوز،پلو و پالاس و جولسوز

يئرين اولسا باغ جنت گنه ده جلاسي يوخدور

بئليني کسيبدي قاتما،دور آياقه بوردا ياتما

ائله فيکر عؤمر کئچدي گيوون قفاسي يوخدور

ايشين اولدو ناله و آه،گذران دئييل بو بالله

داخي ايستمه بو عمري گئديب اول صفاسي يوخدور

ايشيميز عجب شولوغدور،بيري اهل درد يوخدور

بابا مدرسه گوروبسوز کي اونون خلاسي يوخدور؟

به خصوص اهل قزوين،کسه حق يئر اوسته نسلين

همه نابکار و بي دين بيري نين آتاسي يوخدور

هاني ايندي ملا جعفر؟اونا خصم اولا پيمبر

ائليوب يقين جزاده ، بو عمل جزاسي يوخدور

گله لعنت خدايه،يئته دردي منتهايه

دوشه قيرخ ايکي بلايه،ائشيدم دواسي يوخدور

قوي ايته(ايتسين) سؤزون دانيشما،من اؤلوم گل اوستون آچما

گؤرورن کي سد(سيد)نقيبين بو سؤزه رضاسي يوخدور

سن اؤزيوي ائتمه بي عار،سؤزي چوخ اوزاتما قورتار

ائله مه کلامي تکرار،نه چون؟ اقتضاسي يوخدور

بو کدورت و ملاله آليب ايچ نئچه پياله

عبث عمري وئرمه باده،بو جهان بقاسي يوخدور

سؤله ساقيا او مهرو،سالا مجلسه هياهو

هاني مطرب غزل گو؟ نيي نين صداسي يوخدور

تلف اولدو عمر هي هي،دور اولان اوشاقلارا دئي

هاني دنبک و دف و ني؟ نيه بس نواسي يوخدور؟

اولا گوش نه فلک کر،قالا مات چرخ چنبر

دئمه سين کسي "مغني" سسي نين غناسي يوخدور