مني او نرگسِ مستون دو زار ائلييَن

گل اي خزانه سي اوسته تئليني مار ائلييَن

سنون او زولفِ سياهون دي روزگاري تار ائليين

گوزووه قوربان اولوم گل گوزوندن اوپوم

مني او نرگسِ مستون دو زار ائلييَن

بويور گوزل منه ، من نيلئييم نه چاره قيليم

تئلوندو دام بلايه مني دوچار ائلييَن

دئنَن گوروم نئجه اي دل لقاسينه يئتيشيم

گوروم اوزون كه او دور جسمي روحه دار ائلييَن

شرارِ آتشِ هيجران دا من يانديم

يئتيش هارايا! اي گولي همراهِ خار ائلييَن

واريم سنه نئچه مين لرجه شوكر اي خالق

كي سن سن عشقي ازل گون منه زومار ائلييَن

اوميدون اولسا حقه ،گله جگ آيدين اولار

اودور كي وارلاري يوخ، يوخلاريدا وار ائلييَن
دكتر بهنام فيروزي

مرغ خوش الحان

اي خسرو مه رويان ، گل بيرجه گولوستانه

تا مئهر رخت پرتو ، سالسين گول و ريحانه
آن نرگس جادويت ، سالدي مني صحرايا
ابروي کماندارت ، ائتدي مني ديوانه
ساقي ز کرم جامي ، لوطف ائيله من زاره
بر دور سرت گردم ، بير دؤورائله مستانه
برخيز خرامان کن ، اول قامت دلجويت
اين عاشق مجنون را ، وئر بير دولو پيمانه
بگذر به سر ليلي ، بو دين و بو مذهب دن
خاک ره رندان شو ، اول خادم مئيخانه
دوش از غم دل يکدم ، بير داغا گذار ائتديم
افتاد رهم ناگه ، بير طورفه بيابانه
قوربان سرت ساقي ، بير باخ من مخموره
بالله قم العجا ، دؤندو اوره گيم قانه
خال حبشي رنگت ، ائتدي گؤزومو قارا
آن لعل شکرپاشت ، بير رحمه گلير يا نه ؟
اي بولبول غمديده ،گلدي يئنه گول فصلي
برخيز بزن چه چه ، گل شوريله افغانه
شيرين شکر لب کي ، ديشقاري چيخار ائودن
تا غلغله اندازد ، بو گنبد گردانه
در ريختن خونم ، تعجيل ائلمه چوخ دا
ناحق کش و خونريزي ، لاييقديمي سولطانه ؟
اي کافر سنگيندل ! بير پرده گؤتور اوزدن
تا طعنه زند حوسنت ، خورشيد درخشانه
رفتن ز سر کويت ، بير امرودو چوخ مشکل
حاشا کي جدا از شمع ، هرگز اولا پروانه
از تار خم زلفت ، سال بوينوما بير زنجير
در گوشه ابرويت ، سالدير مني زندانه
آن ساغر زرين را ، ساقي منه وئرسن بير
تا اينکه زنم پايي ، بو مولک سليمانه
مستانه بياور مي ، سرگرم ائله عشاقي
يکدم بکن احساني ، بو جمع پريشانه
برخيز نباتي را ، بير جاميله قيل سرمست
آنگاه تماشا کن ، بو مرغ خوش الحانه