خیال دانه خال

خیال دانه ی خالونله دوْلدی خانه ی دل
بیر آشیانه ی مور اوْلدی آشیانه ی دل
بولور بو مطلبی دل دلبریله دل بیردور
اولا هر عاشق بی دلده گر نشانه ی دل
وصال کویینه یوخدور کؤنؤلدن اوزگه قاپی
کی باب عرش معلا دور آستانه ی دل
حکایت لب یار و حدیث دانه ی خال
یئتر تمامه،تمام اولسا آب و دانه ی دل
أوزینده فکری بودور أوز حقیقتین گؤرسؤن
دیلینده کلمه ی"ارنی"اولوب ترانه ی دل
خیال زولفله زنجیره واردی عاقل ایکن
اولوب بو سلسله سر رشته ی بهانه ی دل
ادب سرای محبتده آدلانوب معشوق
ائدر ادب سیزه تأدیب تازیانه ی دل
اورک دؤیؤنمه سی،فریاد و ناله زمزمه‌سی
اولوبدی غم گونی چنگ و نی و چغانه ی دل
بو قدر وئرمه دیلیم قصّه ی دِله تفصیل
کی قوْرخورام دوشه دیلدن دیله فسانه ی دل
سرشک آلیوی صراف لعل تک اوزه سال
نه وقته ساخلیا جاکسان،دوْلوب خزانه ی دل