گفت و گویه گل

کوسمه سن گولوم گلگیلن بیزه
ذوقی وئرمه گه سن بوکویه گل
نخل ِ قامتیم خوشک اولوب دو دای
سو کیمین باری سن بو جویه گل
مو کیمین نحیف اولموشام صنم
جان گتیرمه گه سن بو مویه گل
زویدی قیچلاریم چاهه دوشموشم
یاردیم ائتمه گه گل بو قویه گل
ویرمیشام اوزوم اود بو جانیما
گورمگ ایسته سون سن بو سویه گل
دولدو بو جاهان های و هوییلان
دورما سن داها های و هویه گل
ائتمه چوخ جفا رحمه گل داها
خوش اولان گوزل خُلق و خویه گل
غونچا آغزووی بیرجه آچ گوزل
سنده بیر دانیش گفت و گویه گل
آیدین اورگی یاندی هیجریدن
چیخدی توسدوسی سن بو بویه گل

دکتربهنام فیروزی