مستانه

گل ای ساقی گتیر پیمانه پیمانه
مئی نابدان منِ نالانه نالانه
آپار باشدان هوشی عقلی فاراساتی
منی تئزجه یئتیر جانانه جانانه
اورک یاندی کاباب اولدی توتون چیخدی
گوروم یارون اوزون مستانه مستانه
دئییم یاره اورک دردین غمین بیرده
کرمیندن یئتیم درمانه درمانه
تئز اول ساقی گتیر ساغر یوبانما دای
خیلل وارد اولور ایمانه ایمانه
ایچیم می دن اولوم آیدین صفاسیندان
او جانان نان اولوم همخانه همخانه
دکتربهنام فیروزی