بی وفا گؤردوم

وفا هر کیمسه دن کیم ایستدیم آندان جفا گؤردوم
کیمی کیم بی وفا دنیادا گؤردوم،بی وفا گؤردوم
کیمه کیم دردیمی اظهار قیلدیم ایسته ییب درمان
ئوزومدن هم بتر بیر درده آنی مبتلا گؤردوم
مکددر خاطریمدن قیلمادی بیر کیمسه غم دفعین
صفادان دم اوران همدم لری اهلِ ریا گؤردوم
اگر سو دامنین توتدوم ،روان دؤندردی ئوز مندن
و گر گؤزگودن اومدوم صیدق،عکسِ موددعا گؤردوم
آیاق باسدیم دَرِ اوممیده سر گردانلیق ال وئردی
هنر سر رشته سین توتدوم،الیمده اژدها گؤردوم
بئنه گؤستردی گردون تیره بختیم کوکبین یوز گز
منِ بدبخت آنا هرگاه کیم باخدیم،قارا گؤردوم
فضولی عیب قیلما أوز چئویرسم اهلی عالمدن
نه دن کیم هر کیمه أوز توتدوم آندان یوز بلا گؤردوم