قوربانام

قارا تئلون ایچینده آی اوزووه قوربانام
کیپریگووه تئلووه قاش گوزووه قوربانام
ییخیلمیشام اولییم گل بیر حالیمی سوروش
غونچا دوداقدان چیخان بال سوزووه قوربانام
بیر دفعه قوناق اولدوم یئدیم دوز چورگووی
دوزون منی دوتوبدور اوز دوزووا قوربانام
اوجا بویلی سان گوزل سرویدن دوز قامتون
ایریلیگ یوخ سنده هئچ من دوزووه قوربانام
اود دوتوب یانور کونلوم بوز گتیر سوندور اودی
یوبانما تئز گل گوزل قار بوزووا قوربانام
یارالاریم اینجیدور مرحم گتیر باغلییاغ
مرحمووه داووا، یارپوزووا قوربانام
قارا دور بختیم منیم، اولدوزون آیدین سنون
ایشیق سال قارا بخته اولدوزوا قوربانام

دکتربهنام فیروزی