شفای وصل

شفای وصل قدرین، هیجردن بیمار اولاندان سور
زلال ذوق شوقون، تشنه دیدار اولاندان سور
لبین سیررین گلیب گفتاره، من دن اؤزگه دن سورما
بو پنهان نکته نی بیر واقف اسرار اولاندان سور
گؤزو یاشلی لارین حالین، نه بیلسین مردم غافیل؟
کواکب سیرینی، شب تا سحر بیدار اولاندان سور
خبرسیز اولما فتتان گؤزلرین جورون چکن لردن
خبرسیز مست لر بیدادینی، هوشیار اولاندان سور
غمین دن شمع تک یاندیم، صبادان سورما احوالیم
بو احوالی شب هیجران، منیم له یار اولاندان سور
خرابِ جام ِعشقم، نرگس مستین بیلیر حالیم
خرابات اهلینین حالین،یورو خوممار اولاندان سور
محبت لذذتین دن بی خبر دیر زاهیدِ غافیل
فضولی، عشق ذوقون، ذوقِ عشقی وار اولان دان سور