یالوارما

کونول دوز آتش هجره گوزل دیلداره یالوارما
آلوب دردین چک هی نازین سن هئچ نازداره یالوارما
دولانسا بوینووا بیردن قارا زولفو او دیلدارون
اوردکدن نوش ائله نیشین چالاغان ماره یالوارما
اورگی ائتسه هی شوخوم کاماننان اَکسه ده توخوم
دئشیب کونلو اورک قانین ائده فواره یالوارما
محببت قیل تمام خلق دونیایه عزیزیم سن!
محببت سوندورَر کینی بیلورسن، ناره یالوارما
گولون عطری گَلور باغدان گوله بولبول اولور حیران
گولون عشقیله سن چکسون جفاسین خاره یالوارما
یادوندا ساخلا بو سوزی دییَم من سنه بولبول سوز
اگر اولسادا جننته گوله گولزاره یالوارما
خزان ویرسا اورک باغین آپارسا بوستانون تاغین
فغان ائتمه تحممول قیل یامان قدداره یالوارما
صفای قصر اعلادن گوز اورت گورمه جفاسین ده
اوتور سن کونج عوزلتده گئدوب معماره یالوارما
ائدوب منصوره اقتیدا گتیرسون باشووه سودا
انالحققی دئیوب بیر گون چکیلسون داره یالوارما
ائشیت مندن بوسوزلری عزیزیم یادیگار اولسون
بوغولسون غم دهنزینده بوغول اغیاره یالوارما
قَوی اول شانلی داغلار تک شوجاعت پرچمین ساخلا
سن اصلن آه و زار ائتمه نئیه نی زاره یالوارما
اگر ائتسه سنه چوخ ظولم اوزی قاره اولان اَییام
فلکدن اومما سن یاری گلوب گفتاره یالوارما
هایاندا ظولمو سن گورسون گوتور تیشه کوکون تئز اوز
دوزوب ظولمه جَری ائتمه ویا اشراره یالوارما
اوزون عهد ائیله فیروزی عمور بویو همیشه سن
ادب سیز قانمییان یولسوز گبیر کوففاره یالوارما

دکتربهنام فیروزی