قولاغ آس من سنه دئییم
بو دونیادا نه لر گوردوم
گیرفتار اولماغا کونلوم
سپیلمیش دانه لر گوردوم
قارا زولفو گون اوزونه
داغیتمیش شانه لر گوردوم
ستمدن، چوخ شرارتدن
قیزارمیش لاله لر گوردوم
شرارِ آتش ظولمه
یانار پروانه لر گوردوم
بوغولموش دود و آتش ده
یانان کاشانه لر گوردوم
بویانمیش زیب و زینت ده
سوکولموش پایه لر گوردوم
قارا وحشتلی گونلرده
سینیب دردانه لر گوردوم
عدالت آدینا دایم
یئخیلمیش خانه لر گوردوم
آشیب حددن غم و غصصه
اورک لری دَلر گوردوم
آجلیغیندان یاتانمییان
فقیرلری مَلر گوردوم
کومک سیز بینوالاری
فلاکَتدن اولر گوردوم
فقیرلری بوغولاندا
اربابلاری گولر گوردوم
یتیم قالان اوشاقلارون
گوز یاشینی اَلر گوردوم
یتیم لرون گوز یاشلارین
قارا یئل لر بَلر گوردوم
عجایب حال و حیرتده
قالان مستانه لر گوردوم
ناماز قیلان آدام لاردا
اونودموش آیه لر گوردوم
بو وضعیله گوی دن عذاب
فیروزی گود گَلر گوردوم
دکتربهنام فیروزی
