لبلروندن

نوليدي بختیدن ایمداد اوليدي
ائديديم بوسه خندان لبلروندن
اَميديم ديشلييديم چئينييديم
ايچئيديم آب حيوان لبلروندن
پولودان پولدان ایلر خلق احسان
گل ایله سنده احسان لبلروندن
گوليم گول گول دوداقون غونچه لَنسين
ايشقلانسون گولستان لبلروندن
چیخار جانيم دوداقیمدن هَوَسدن
ائشيتسم كَلمهء جان لبلروندن
لحددن قوزارام باش قبریم اوسته
ائشیتسم صوت قرآن لبلروندن
جنابوندن فقط بیر خواهیشیم وار
منه بیر بوسه – هاردان- لبلروندن
اوزاقدان لبلرون گوردوم ماتیکلی
خیال ائتدیم دامور قان لبلروندن
بو حوسنیله اگر اولسان مبلغ
اولار کافر مسلمان لبلروندن
عبث قرآنی یاندیرمازدی صنعان
گوریدی آیه صنعان لبلروندن
آلاندا عطرینی شوریده کونلوم
اَسر چون میل جنبان لبلروندن
عروض حوسنوه دارا کریمی
تاپوب اشعاره میزان لبلروندن

کریمی مراغه ای