ساقي زامانين جبري مني سالسادا هي ده ن
سرشار ائله جان ساغري ني قيرميزي مي ده ن
هجران ستمين ده ن اوجاليب گوگ لره ناله ام
سوسدورمني آنجاق سوروش احواليمي ني ده ن
من مدرسه ده تکجه بو بير نکته ني قانديم
مشکل آپارام فايدا (الف) ده ن يادا ( ب)ي ده ن
قانمـاق نه قه در چوخ او قه ده ر يانماقين آرتيق
بختين بو قــه در باغري ني چاتلاتما گيلي ده ن
دونموش بييينه گون ده کسر يوخدور اريتسين
بوشلا قوزئ يي باشلاما افسانه گونئي ده ن
خرمايه ياخينلاش نئجه کي حضرت زاهد
گوزيومدي خداده ن ولي گوز يوممادي ري ده ن
قاضي کي قضاوت ده اوگئي دوغماسي اولدو
باج آلمالي دير حشره کيمي دوغما اوگئي ده ن
ايمان ائوي کفرين پيله گي ايلن يئخيلاندير
هريئرده اجل قصري اگر سست اولا پي ده ن
قانماز ائله قانمازدي باشي عرشه ده چاتسا
يوخ فرقي پاريس ده ن اولا صادر يا رضي ده ن
باغلاردا يئرين برکيـده بيلسه قارا قارقا
بلبل چيخا بيلمز يازا قورتارسادا دي ده ن
انساني فنرمثلي کي يئغدين آچيلانـــدا
گاه آنکارادان باش چيخـادار گاه دا دوبي ده ن
سانما کئ يئ يب ظلمکـارا قارشي قلم لر
تابوته دونر تخت قلم چيخدي کي کئي ده ن
ايسترسن اولاغ يوللانا قارداش يئمين آرتير
عيسي ائله ين معجزه ني اومما هـوچي ده ن
رستم سن اگر گوجلو اولانمازسن اجل ده ن
سلطان سان اگرفايدالان افسانه ي کي ده ن
جسمون کي نهايت ده اولار قورد قوشا قسمت
منده ن سوز ائشيت ائيله حضر اوچ دانا پي ده ن
پول دور بو اوچون ان بويوگي هر قده ر آرتسا
قاپماق دا يقين سبقت آلارسان آنا لي ده ن
پارتي نظريم دير او ايکينجي پي يه داير
پارت ايلا آشان ايش سالاجاق پي سري هي ده ن
آيدين دير اوچونجو پي علامت دي پلوودان
بوکسون کيسه سي گورنه يه وارث دي کلي ده ن
دوزگون سوزونه ( عاصم ) اگرمشتري قالسا
ائل لر آرا نشر اولمالي دير چيخسا اوکي ده ن