تنگ اولور باشيما تك ليك ساري، عا لم گئجه لر
بير نفر اولمادي منله اولا همدم گئجه لر
عشقه بيگانه اولانلار نه بيلير كيم نه چكير
چكمه سين من چكني اهل جهنم گئجه لر
بير منم _ بير بو قلم ، بيرده بو ويرانه كونول
اوچوموزده گليريك ناله يه باهم گئجه لر
كيمسه بيلمز اورگيم سيرريني دونيادا منيم
ياز قلم دورما كي سنسن منه محرم گئجه لر
يارالي كونلومه گوندور وورولان ياره لره
مهربان يار الي ايستر قويا مرهم گئجه لر
نه وئرر گوندوزو مهلت منه هيجران ستمي
نه قويار باش يئره بير لحظه قويام غم گئجه لر
عشقينه صادق اولان جهديله همت كمرين
درد و غم چكمه يه باغلار بئله محكم گئجه لر
منده مجنون كيمي زنجيريده گوررم اوزومو
اوندا كي زولفون اولار گوزده مجسم گئجه لر
من چكن غم يوكونو بير گئجه چرخين بئلينه
قويسالار، پشت فلك غمدن اولار خم گئجه لر
پرده لي قويدو سوزون "بارز"ه فاش ائيله مه دي
سرَلر اورتويو بو قورخولو مبهم گئجه لر
عباس اسلامي( بارز)
