منيم سندن سورا گر اولسا ياريم نازلي دلداريم
جهاندا هئچ نَيه آلمازلا گوهر اولسا اشعاريم
آچوبدور قول قاناد فکريم،قوشو تکجه خياليلا
يوخومدور هئچ نَييم، يالنيز خياليندير منيم واريم
سنون دور ديل، سنون دور جان،سنون دور روحيم اي جانان
منيم دور آتش هيجرون،سنون دور نغز گفتاريم
کونول مولکونده ايسکان ائت يا تعمير ائت يا ويران ائت
اوزونده ايله محو ايله،نه من قالسين نه آثاريم
مني مندن کنار ايله،بوتون گوزلرده خوار ايله
يوخ ايله، سونرا وار ايله مني اي حي داداريم
گر- آذراوغلو- نا اويدوم،بويوک سهو ايله ديم دويدوم
منيت پالتارين سويدوم ، انيسيم ، مونسيم ، ياريم
عليرضا بند عليزاده(آذراوغلو)
