بيرليلی سئويب عشقده سئودالارا دوشدوم
مجنونا دونوب دامن صحرالارا دوشدوم
سئودای سرزولفده سرمايمی وئرديم
سود ائيلمه ديم گور نئجه سئودالارا دوشدوم
بيرطفل صغيرآلدی منيم عاغليمی الدن
ای پيرکونول! گور غم کوبرالارا دوشدوم
هرجانيبه باخ، بير بوت هرجائی گوررسن
هريئرده عبث تهمت بي جالارا دوشدوم
صنعانی اولوب بير بوت ترسا طلبينده
هردم هوس دير و کليسالارا دوشدوم
شايد گتيررم داميمه اول دُرّيتيمی
غـوّاصا دونوب عشقيله دريالارا دوشدوم
تاكی بير الين اوپمک اوچون پير مغانين
ساقی نين آياغيندان اوپوپ پالارا دوشدوم
عکسِ روخوو ساغر صهبادا گورن دم
بی تاب اولوبان اوزگه تمنالارا دوشدوم
بيلدی منی نادان ائيله دی پند ، خلاييق
صد شوکرکی سيّد! دل دانالارا دوشدوم
