سوداي عشق

نقاش نقش قامت سروين روان چكر
اما يئتر دوداقوه چكديكجه جان چكر
ظاهرده گرچه قاشيله موژگان چكر ولي
باطنده قتل عاشيقه تير و كمان چكر
نرگس گؤزون بنفشه خطون لاله عارضون
عكسين سالور خياله گلور گولستان چكر
لعل لبون گولنده خطا كار عاشيقه
خط خط شكسته خطيله خططِ امان چكر
چكسه اگر دهانيوي موهوم، عبث دئگول
قورخار اولا دهن زده، ائلده ن نهان چكر
تصويريمي منيم قوجا چكدي جوان ايكن
اما سني بو گونده دونندن جوان چكر
گؤز حلقه سينده گؤردي خدنگون دئدي كؤنول
قانليني قان اياقينه آخيرده قان چكر
چرخ برينه شعله ي آهيمدي خط سالوب
امما آدين قويوبلا فلك كهكشان چكر
خنجر چكر دئييلله گؤزون گؤز اميري تك
گؤز يولدا قالميشام گوره سن بس هاچان چكر
آلديم سوراغ زلفوي، وئرديم صبايه دل
گؤردوم بلددي چينه طرف كاروان چكر
سودون ائديب ملاحظه سوداي عشقيده
صرراف هر تجارته باخسا زيان چكر