ملک سيما

ائتدي پينهان ، زولف ايچينده اول ملک سيما اؤزون
گيزله ميش ، ابر ايچره سان مهر جهان آرا اؤزون
ليلي ساچلي بير پري ، مجنونه دؤندرميش مني
رحمه گلمز توتسادا ، آهيم اودي دونيا اؤزون
يوز گؤزه ل اؤز سئوگيليم دن باشقا آچماز کونلومي
شبهه سيز مجنونه ، گوسته رسين گره ک ليلا اؤزون
يار سيز گول اوزلو جانان سيز بساط باده ده
قان اولور کؤنلوم گؤزوم گؤرسه ، مئي حمرا اؤزون
يوز کونول مين نازيله باخديقجا قان ائتسين گره ک
گؤسته رينجه عاشيقه بير دم او گول رعنا اؤزون
بير منيم کؤنلوم دگيل ، ديوانه سي مه رو لرين
من کيمي مينلرجه مجنون لار توتوب صحرا اؤزون
زولف دن ، ديوانه دن دير هر سؤزون واحد يئنه
گؤسته رير بير گون سنه عارف لر استهزا اؤزون