اوول باخيشدا وئرديم اوزوم اول نيگاره كونول
عشق اودونا گرگدو يانا، يوخدو چاره، كونول
موژگان اوخون بيله ويردون منيم يانان سينه مه
سينه م ياريلدي كي هئچ، اولدي پاره پاره كونول
معشوقينه معطيع دور عشق اهلي عالمده
قوربان اولار اگر ائدسن، بير اشاره كونول
عشقون ديريلديب عالمي يوخسا اولوبدور هامي
قيلسون نظر بي لحظه، تاپار جان دوباره كونول
هيجرونده غم ضيافتي وئررم گئجه گوندوز
شامه جيگر كباب ائدرم من نهاره كونول
آدون لا دل اولار آرام، كونول اولار مدهوش
از بس كه ذكر ائليوب، اوخشئيور هزاره كونول
لوطفون اگر منه شامل اولا سنون بير ده
آي داندا آيدين اولار منده كي بو قاره كونول
