پريشان خاطر

پريشان خاطريم بير طره پر پيچ و تاب ايستر
عجب ديوانه دير اوز قيدينه بند طناب ايستر
گلستان وجوديم شبنم غملن تاپار رونق
نئجه كيم ابر رحمت بارشين اهل عذاب ايستر
خيال وصليله بير لحظه شاد اولدوم خطا قيلديم
دبير درد و غمه ايندي گلوب مندن حساب ايستر
محبت اهلي محنت لذذتين راحت بولور جانه
هميشه آرزوي هجر ائدر،ني خور و خواب ايستر
جنون عشق اولان گوندن سوروشماز كيمسه احواليم
بلي ديوانه دن عاقل هميشه اجتناب ايستر
سوساميش قتليمه پيكان غم ايستر ايچه قانيم
سانارسان كيم خمار آلوده دور جام شراب ايستر
اولور بزم محببتده شراب وصليلن سر خوش
او كس كيم سيخ محنتده كؤنول مرغين كباب ايستر
ييخيلميش كؤنلومه رحم ائيله ظاليم ائيلمه ويران
كيم اؤز معموره سين سن بي مرووت تك خراب ايستر؟
در اومميد اولوب صرافه هر بير سمتدن بسته
علي(ع) تك فاتح خيبر اليلن فتح باب ايستر