آلیب ایمانیمی ای نازنینیم نازنین گوزلر
چيخار ایماء ایلن یولدان نه یول آنلار نه دین گوزلر
بودور فکریم آلاندا جانيمی اوغرو نگاهیلن
دیلیمده نطق اولایدی بیر دئیيدیم آفرین گوزلر
اگرمین گوز اولاعاشيق گورر معشوقی بیرگوزده
سنین وحشی گوزون اما ائدر بیرگوزده مین گوزلر
یوخ اوزگهیلن سروکاریم یقین بيل عین مقصودوم
همین قد دیر همین قامت همین قاش دير همین گوزلر
اگردوزعاشيق ایلن اولمایا رفتاری یوخ عیبی
اولوب کج یول گئدن موژگان ایلن بس همنشین گوزلر
گوزوندن درس سئحر آلميش سنین هاروت سئحرآئین
دئیلسه وار یئری بو گوزلره "سئحر آفرین گوزلر"
گوزوندن غافل اولما ای گوزوم گور بیر نه عالمدیر
توتوب تیر و کمان الده ائدیب خالین کمین گوزلر
الیمده صبر و هوش وتاب وطاقت هرنه وار آلدی
بيرین خطین بيرین خالین بيرین زولفون بيرین گوزلر
گوزوندن گوزگوتورمم بیرخدنگ نازه موشتاقام
نه دن ويرماز کمان ابرو مگر قاشيندا چین گوزلر
دئدیم صرافی گوزله،سالماگوزدن ای گوزوم نورو
