بو باغ اي باغبان گولزار کوي يارا چوخ بنزر
بو سرون راستي سرو قد دلدارا چوخ بنزر
توتوب گول دامنيندن مهد ناز ايچره کسيب يانين
بو خار بي مروت خار اولان اغيارا چوخ بنزر
اگر چه سنبل تر زلف جانان تک پريشان دير
او بنزر زولفه اما زولف اؤزي شهمارا چوخ بنزر
ايچيب جام صبوحي بس خمار آلوده دير نرگس
سؤزومده واردي صحت نرگس بيمارا چوخ بنزر
دوتوم گولبرگ ترده لعل جانان تک لطافت وار
نه وجهيلن دئييم او ل لعل شکربارا چوخ بنزر
خط جانانه بنزر سبزه اما نامناسب دير
بنفشه خط سبز يار گول رخسارا چوخ بنزر
غم عشقيله هرگز داغ بر دل اولمايان بيلمز
شقايق آب رنگي عارض گولنارا چوخ بنزر
منيم بو قان اولان کؤنلومله هم پيمانه دير گويا
دولوب قان ايله لاله ساغر سرشارا چوخ بنزر
شکوفه گرمي مجلسدن اؤز نقدين نثار ائتميش
اولان صراف النده درهم و دينارا چوخ بنزر
