ایستمه

من اَوَل گونی تئز دئدیم بلی
عشقی چوخ چَتین،بیلمه دیم بلی
سن منی اوزون ائیلَدون دَلی
دَلی دَن بوگون واری ایستمه
سن اورَگیمی ائیلدون کباب
گوزدَن اشکیمی ائیلدون سئلاب
گول لری ازیب ائیلدون گلاب
سن گلابیدن خاری ایستمه
سن منه دئدون گئت گیلَن دولان
عبرت ائلئیوب اولما، سن ایلان
دونیانی گوریب حققه سن اینان
بو گَزَنتیدن داری ایستمه
من سنه دئدیم ظالیمون بیری
سینَم اوسته سن لاپ یاواش یئری
تئز دئدون سنی گویمارام دیری
أولدورن یاری! باری ایستمه
هر کسه گورا، بیر پِشه گرگ
عاشیق اولمویان نه ایشه گرگ
اودون اولماغا، چوخ مئشه گرگ
مئشه اولماسا، ناری ایستمه
هاممی یا، امیر حضرت علی(ع)
حق اوزی اونو ائیلدی ولی
فیروزی اوزی نوکرِ علی(ع)
اوندن آیری بیر، کاری ایستمه
دکتربهنام فیروزی