ایستر

اورگیم سئوگیلی ایستر
باهاری بولبولی ایستر
چیچک لری، لاله لری
سوسنی، سونبولی ایستر
عاشیق اولدوم سنه اَوَل
جان قوربان ائتدیم اَل بَهَل
عاشیق اولان اوزین، گوزل
دیلدارینا قُولی ایستر
عاشیق گودَر یار اویانا
گله گیره یار قوینونا
قوجاقلئیوب،یاربوینونا
دولاندیرا قؤلی ایستر
سایدئم آی لاری گون لری
تاپدیم یای داکی گون لری
اوزمَک اوچون یای گون لری
اورگیم او گؤلی ایستر
یاناق لار ایلور وسوسه
اورَک گَلیب دور هوسه
یاریم منه اوپوش وئرسه
جیب لَرینی دولی ایستر
ایچدیریب دور منه آغی
اورَک ده وار لاله داغی
منیم کونلوم ایستور باغی
چمن دَن چوخ گولی ایستر
کونول یارون هاواسیندا
ساز چالار تئل هاواسیندا
فیروزی اوز دوعاسیندا
گئتمه گه دوز یولی ایستر

دکتربهنام فیروزی