آتار دونیانی عاقیل لر

حافظون اوول غزلونون شعر صورتین ده ترجومه سی

دولاندیر جامی، مئی وئر، ساقیا،کیم، عشقی اوول لر
نئجه آسان سانیردیق، ایندی باش قالدیردی موشکول لر
صبا بلکه دویون آچسین او زولفون موشک نافیندن
اورک لر قان اولار اسدیکجه او قیوریم قارا تئل لر
نئجه سین سین جانا جانان ائویندن آلدیغیم نشأت؟
کی هر آن سس گلیر چالدان کی: دور باغلاندی محمل لر
روا بیلسه مورادون گئت بویا سجّاده نی مئی له
کی سالیک دیر، بیلر هر رسمی ایجاب ائتسه منزل لر
گئجه ظولمات، دهشتلی بورولغان، دالغالارقورخونج
نه آنلار حالیمی ساحیلده کی فارغ گزَن ائل لر
منملیک لر منی آخرده بد نام ائتدی خلق ایچره
چتیندیر گیزله مک بیر سرّّی، آگاه اولسا محفل لر
ویصالین آندیلار سانسا، اونوتما یارینی حافظ
حقیقی سئوگی سین تاپسا، آتار دونیانی عاقیل لر

کریم مشروطه چی (سؤونمز)