دییرم

گورسم اوزون گونَشیني من لا لا لای لای دییَرم
شادلیق لاری، سئوینج لری اورک لره یای دییَرم
یاریم گئدیب تک قالمیشام غصّه یئیب قوجالمیشام
قاناد چالوب اوجالمیشام من اودی اوخای دییَرم
من اوجادان ییخیلمیشام غصّه له نیب سیخیلمیشام
اورک لردن چیخیلمیشام، بیل نییَه آخ وای دییَرم
اوتورارام یول اوستونده، یولا باخوب آغلییارام
هر گَلَنه هوی دییَرم هر گئدَنه های دییَرم
وئرسه منه اگر بیری، گوزل یاردان خوش بیر خبر
بوش اولماسون گوزل لرون اَلینده جامتای دییَرم
سُور سُون مندن عِللَتینی جوانلیق لان قوجالماغون
چاتدی منه مسئولیت، یوک لری تای تای دییَرم
دونیا اوزی قاره اولسون، سالوب منی درده غمه
دوزَممورَم بئبله غمه من اودو آی وای دییَرم
اوغول دوغوب درده سالوب وئردیگین هر کسدن آلوب
زهرِ هَلائل دی بئله وئردیگی هرپای دییَرم
چوخ دور اگر یاراشیغی، وار دور اونون دولاشیغی
فیروزی من بو دونیادا هر زادا ازوای دییَرم

دکتربهنام فیروزی