بختور

سن بختور سن بختور
من سیز نئجه سن بختور
گورسون منی سن بختور
سوروش نئجه سن بختور
سالدون منی قاره گونه
گوستر اوزون منه یئنه
آرام اولام بلکه گئنه
آرام دل سن بختور
قویما منی غصصه یئییم
گلسُون سَسه دایم نئییم
گل بیر سنه دردیم دئییم
ائیله دوا سن بختور
گئتمئیوبسن سن اودونا
باتمئیوب دور کول بودونا
یانمئیوبسان عشق اودونا
عاشیق دگول سن بختور
گل سن بیزه گول سن بیزه
باخ بو گوزه اولوب کوزه
پوله اورکده کی کوزه
سن بختور سن بختور
گوردوم اوزووی من سنون
خواهانی اولدوم گولشنون
بوغدی منی زولفون سنون
صییادی سان سن بختور
حیران اوزوم اولدوم سنه
موژگان اوخون آتدون منه
کامانی گیزلتدون یئنه
اوو دان گلورسن بختور
گئجه اوتوروب آغلییام
گئجه قوشو تک یاتمییام
سنون توکوه باغلییام
سن دام قوربسان بختور
سای سام گئجه لر اولدوزی
اویانسا بختیم اولدوزی
اول لام بو دوران فیروزی
سئوله منه سن بختور

دکتربهنام فیروزی