گوزلشدیم

خیال آتین میندیم قاشدیم
قارانلوغون داغین آشدیم
هر یئری چاپار گزدیم
گوزومی گوزلره قوشدیم
گوزل لرون ایچینده من
بیر گوزلی اوزوم سئشدیم
گوردوم تئلین توکوب اوزه
تئل لرینی هوروگ ائشدیم
هوروگ دولاندی بوینیما
ایلان چالدی من زوروشدیم
دوشدوم یارون آیاغینا
دوردوم یاریلان سوزلشدیم
سوزدن اولمادی بیر چاره
ناچار یاریلان گوزلشدیم
کیپریگی اوخ آتدی منه
آل قانیما من بَلَشدیم
قانیمه قان ائتمک اوچون
چالیشاراق هی اَللََشدیم
اوپدوم او گول یاناغیندان
یالواردیم یارلان اوپوشدیم
خامدا اولسیدیم من اگر
گیردیم یار قوینیندا پیشدیم
آغ قارا جوت پییالادان
آب حیات سویین ایشدیم
بوندان اولدوم من فیروزی
کی یاریلان تئز بیرلَشدیم

دکتربهنام فیروزی